Unë jam Mehmet Klinaku, i lindur më 5 Dhjetor 1986 në fshatin Bivolak të Vushtrrisë. Shkollimin universitar e kam vijuar në drejtimin e Arkitekturës, para se në vitin 2009 të shkoj në Gjermani për një jetë më të mirë.

Gjatë 17 viteve në Gjermani, angazhimi im kryesor ishte në fushën e ndërtimtarisë, një industri në të cilën kam krijuar edhe biznesin tim. Në kompaninë time punojnë shumë shqiptarë, pasi gjithmonë bashkëkombësit e mi kanë qenë prioriteti im.

I rritur në një familje atdhedashëse, migrova për një jetë më të mirë, por me qëllimin që të kthehem për të kontribuar në zhvillimin e vendit tim. Kjo është edhe arsyeja pse vendosa të kthehem në Kosovë, për t’i ofruar diçka vendlindjes sime. AAK-ja është shtëpia ime politike, dhe diaspora, së bashku me zhvillimin ekonomik, janë arsyet kryesore që më bënë të kthehem dhe të synoj mandatin e deputetit